 |
| طريقة عمل الكنافة بالقشطة |
طريقة عمل الكنافة بالقشطة
وصفة الكنافة بالقشطه
طريقة عمل الكنافة
طريقة عمل الكنافة
الكنافة بحطها في الفريزر عشان تتقطع صغير خالص بكل سهولة و بعد ما تتقطع بحط عليها ٣ معالق كبار سمن ومعلقة كبيرة سكر واقلبها كويس جدا علشان كلها تاخد سمنة، الصينية دي مقاس ٢٨ معمولة بربع كيلو كنافة تقريبا او ازيد شوية لأن احنا بنحبها رفيعة خالصطريقة عمل القشطة
في حلة علي النار هنحط معلقتين زبدة وملعقتين دقيق مش مليانين اوي و نشوحها مع بعض كأننا بنعمل بشاميل بالظبط و بعدين هنحط لبن شوية بشوية و نقلب كويس كل مرة لحد ما تبقي شبه الكريمة او المهلبية الثقيلة شوية، تقريبا بتاخد كوباية لبن او ازيد شوية. نحطلها معلقة كبيرة او اثنين سكر على حسب ما نحب و بعدين نسيبها تبرد خالص. لما تبرد .ونضع لها قشطة بلدي او علبة قشطة بوك او نستلة و نقلبها كويس، المفروض قوامها يبقي شبه الكاسترد كدة لو كانت تقيلة ممكن نزود شوية لبن بسيط لحد ما تظبط. انا حطيت صورة لشكلها بعد ما خلصت.طريقة عمل القشطة
وصفة القشطة
طريقة تحضير الكنافة بالقشطة
*ونفرد نص الكنافة في الصينية ونضغط عليها جامد جدا عشان يطلع شكلها مظبوط كدة، و بعدين هنحط الكريمة في النص و نفردها بعيد عن الاطراف شوية وبعدين نحط باقي الكنافة و نساويها بأيدينا من غير ما نضغط عليها من النص، نضغط بس بأصابعنا من الأطراف.*هنوزع معلقة كبيرة سمنة علي وش الكنافة و بعدين ندخلها فرن سخن و نسيبها لحد ما نلاقي الأطراف اتحمرت ونولع الفرن من فوق علشان تاخد لون حلو و بعدين نطلعها نسقيها شربات تقيل بارد و نقلبها في طبق التقديم. الشربات عبارة عن كوب سكر و نص كوب مياه و لما يبتدوا يغلوا نسيبهم دقيقة و بعدين نحط نص لمونة صغيرة و فانليا و نقلب و نطفي عليها